估唔到來自法國嘅小王子都嚟咗韓國嘅炑八韓烤餐廳😍一向鍾意打卡嘅我即刻約咗閨蜜嚟打卡！我哋今次去咗位於荃新天地二期呢間分店，成個門口有好大個小王子打卡位！連餐牌設計都有小王子立體卡，真係好精美呀🤩
作為資深既牛魔王，所以我哋早已鎖定Friend Tastic燒肉套餐，店員跟手為我哋奉上各色韓國小菜同埋沙律，我自己好鍾意個沙律，因為佢用咗柚子汁，酸酸甜甜好清新開胃呀！😋而店員為我哋準備既爐邊泡菜蛋同埋芝士粟米作為前菜都同樣吸引！
主角終於出場啦！成隻牛嘅碟上枱效果真係好震撼，有肉有蔬菜仲有小王子坐鎮添!而且每一款牛肉都好新鮮又大大件，裏面有齊：
❤️韓牛西冷
油花非常之靚，入口非常Juice同埋好濃厚嘅牛肉味！正！
❤️蔥蒜五花肉
蔥蒜味好香！而且五花肉就好似牛腩嘅位置，味濃又有咬口！幾乎俾我一個食晒😆
❤️大蔥牛舌
薄切既牛舌再捲住帶少少辣味嘅大蔥一齊燒，再一啖擺落口，感受到牛舌嘅果種彈牙口感又有蔥既爽脆，好惹味啊!
❤️韓牛前胸肉
肉質非常鮮嫩，牛味濃郁又Juicy！配埋生菜同埋大醬一齊食！我同朋友心思思都想再encore！
❤️醬油霜降牛小排
睇啲油花都知道真係靚到不得了！「入口即溶！冇得輸！」就係呢一種！
❤️厚切黑毛和牛
真係忍唔住放上去燒之前要欣賞一下先！咁高質嘅牛肉加上厚切，所以口感真係非常豐富，冇得彈！
❤️辣炒年糕
最經典嘅韓式料理！賣相好吸引，年糕好煙韌，而且又唔會太辣，唔小心又食多幾舊😆
🥂我仲追加咗佢哋嘅小王子特飲「無花果梳打」添，鍾意佢唔會太甜又解渴！仲有小王子裝飾🤴🏻
店員仲話而家凡惠顧小王子任何一款套餐，即可加$98換購限量版 - 「小王子座枱無線充電器一個」，數量有限，先到先得！鍾意小王子嘅你千祈唔好錯過啦！😍
#MEOKBANG #BBQ #LEPETITPRINCE #炑八 #炑八韓烤 #小王子 #香港美食 #韓國美食 #韓國 #優惠 #韓燒 #燒肉 @ 炑八韓烤 MeokBang Korean BBQ & BAR
Search